杏兒冧樣攬仔威畀Bosco睇

正當黃宗澤（Bosco）和楊崢的戀情熱爆全城，與胡定欣、胡蓓蔚、黃智雯等好姊妹遊韓國的杏兒，昨日突然於Instagram上載一張攬仔照，並寫道：「我找到了！」由於照片只看到該男子背面，未能確認是何人，但杏兒卻一副冧笑樣子，似想公布有新總情，向舊愛Bosco示威！不少粉絲留言送祝福。由於日前有網友拍得杏兒、定欣、胡蓓蔚等遊韓國的照片，見李思捷亦有同行，故不少網友猜測杏兒所攬的人是思捷，不過杏兒昨日「潛水」，未有回應事件。

不心急搵另一半

率先返港的胡定欣昨日與毛舜筠拍攝「維特健靈」健康食品廣告，提到杏兒上載攬仔照，定欣笑謂：「張相係我影o架！我唔拆穿佢住。（相中人係咪思捷？）唔知，唔講。（劇情嚟嘅？）唔可以拆穿呢個小秘密。（係咪Bosco？）你話呢？（咁思捷有冇去？）唔講太多，總之冇嘢。」定欣坦言若杏兒拍拖會送祝福，惟對方不心急搵另一半，叫大家毋須替杏兒擔心。

思捷與杏兒曾合作拍劇，惟當時並無傳緋聞。（資料圖片）	胡定欣承認杏兒的攬仔照由她操刀。	毛舜筠有追看《來自星星的你》。

毛舜筠滿意酬勞

對於今次擔任健康食品代言人，定欣笑言有六位數酬勞，非常滿意，而連續幾年任該產品代言人的毛姐亦稱酬勞有加幅。問毛姐有何新動向？她坦言仍在揀劇 本，但尚未遇到一個令她心儀的故事。毛姐表示：「好想拍內心啲嘅戲，呢排都有睇《來自星星的你》，好想知道點解咁多億人去追睇，原來係俊男美女，個美女仲要好叻做戲。」

文：影視組