Rosemary搵合夥人開餐廳
名模Rosemary、Lea T.、Ana R.等昨晚出席珠寶展慶祝晚會，佩戴價值不菲的首飾行騷。Rosemary早前被拍到與男友Jason去大坑睇舖位，Rosemary坦言想開餐廳，不過仍在找合夥人，對於投資多少等詳情，Rosemary即表示暫時不能透露，只表示是男朋友的計劃。已有網店，又預備開舖的Rosemary笑言無時間結婚，現時只為將來打算，她說：「男朋友希望可以私人啲，有咩決定會通知大家。」
另問Lea有否收過緋聞男友霍啟山送的珠寶？Lea表現失落並謂：「無呀。（可能遲啲送？）我唔知呀，我都希望將來我的朋友或者家人可以送畀我。」講到Angelababy獲男友黃曉明送名車當生日禮物，Lea自爆在聖誕節時曾有男士送車，不過她拒絕接受，她說：「我覺得如果唔係未婚夫或老公送嘅話，實在太貴重。」
