許廷鏗絕情撻唔着何雁詩
洪卓立前日27歲生日獲女友湯怡整生日蛋糕慶生，他更表示已認定女友為終身伴侶，更不排除會閃婚。而許廷鏗最近就跟何雁詩傳緋聞，不過他斬釘截鐵表示跟女方不會擦出愛火花，更笑言只情繫緋聞女友鄭欣宜！
藝人許廷鏗、洪卓立、何傲芝等昨日出席《博愛歡樂傳萬家》記者會，許廷鏗對於早前跟何雁詩共用同一個耳筒而令二人即傳緋聞，他強烈否認拍拖並表示大家只是交流音樂：「我同巨聲幫任何一個都擦唔出火花。（情繫緋聞女友鄭欣宜？）都oko架！家姐啫，唔好亂講。」談到何雁詩有份參演的劇集《食為奴》被觀眾批評演技生硬，他維護說：「佢專長係唱歌，唔係演技班出身，畀少少時間佢進步啦。」
洪卓立生日女友糕慶
本月2日生日的洪卓立就透露跟女友湯怡簡單睇戲、回家食外賣慶祝，他甜絲絲表示女友親自整生日蛋糕給他十分開心：「佢為咗呢個蛋糕仲特登靜靜雞走去上堂，個蛋糕好靚、好好食。」他又表示已視對方為結婚對象：「我覺得係佢。（佢都認定你？）冇問呀，我單方面認定佢。」更揚言不排除會閃婚：「啱就結咗返嚟都未定。」
何傲芝朋友毋須解釋
另外，何傲芝對於早前被拍得跟大隻男夜會，之後被緋聞男友蕭正楠收回車匙，她強調該名男子是朋友並毋須向蕭正楠解釋：「我架車之前攞咗去整，佢先會借畀我。」談到此「借車還車」情節甚似「崢澤戀」，她說：「呢架車佢成日借畀人，唔止我一個。（關係冇變？）都係好同事、好朋友。」
文：影視組