莊思敏失六位數鬧上差館

去年5月，莊思敏與友人合資開設化妝學校，但想不到未夠一年已發生不快事件，更鬧上差館。

昨日傍晚，莊思敏與化妝學校其中一名股東Roy現身中環報警備案，她懷疑有人涉嫌虧空公款，並羅列對方種種不是，莊思敏說：「幾個月前發現有人虧空公款，始終同佢相識多年，諗住畀個機會佢，還錢就算，但發現佢仲有其他不恰當行為，令到學校名譽受損，佢私自傾商業合作，又私自接工作，同埋佢唔認真教學，遲到早退，我哋收到學生投訴，佢仲試過以學校名義叫學生做嘢，但事後無畀番錢學生，我同佢傾過好多次，佢堅持自己無錯！佢唔單止唔賠償，仲喺出面誣衊我哋。」

欲止謠言散播

莊思敏表示為保學校聲譽，已對學生作出賠償，問到損失多少時，她坦言未知確實數字，但估計有六位數。莊思敏又稱今次公開事件，是不希望學校受對方所散播的謠言影響。至於虧空公款是刑事罪行，因暫未能與對方取得共識，故有需要備案，問到對方是否知道她報案時，她說：「我有同佢傾過，但佢冇悔意，我今次報警係有諮詢過律師同警務人員意見，起訴係需要時間，但我哋有證據。」莊思敏又指今次事件令她大感傷害，更為此事而痛哭。

文：名人組