張學友恨同愛女曬日光浴
冧莊擔任飲品代言人的張學友，昨日出席發布會大談跟女兒的相處之道，他笑稱看過梁家輝跟兩個女兒的泳衣照片，羨慕他們的關係猶如朋友，直言曾向對方請教相處心得。
「歌神」張學友昨日以代言人身份出席「天喔茶庄炭燒奶茶系列發布會」，大會又邀請到著名魔術師甄澤權及陳爽到來，並即場和學友合作表演魔術。今次已是第二度替品牌代言的學友，問到是否酬勞加碼代言？他笑說﹕「唔關事，係第二個產品。」
冇囡囡facebook
學友又透露最近剛和張家輝合作完成電影的拍攝，他稱雖然跟家輝認識多年，但兩人合作還屬首次，拍攝過程開心，不過時間頗長：「係拍得長啲，不過都習慣，我久唔久就做吓串星。」。問到戴冷帽示人的他是否戲中的新造型？學友即故作神秘說：「遲啲咪知囉。」
近來忙於拍電影，問到會否不夠時間陪一對囡囡時，學友稱幸好大女已到英國升學，而自己亦盡量抽空陪細女：「盡量每日都同佢傾吓偈，有時間就飛過去探大女。」至於會否倣效梁家輝早前和兩個女兒拍下大晒身材的合照？他說：「家輝同個女關係好似朋友咁，我都有問佢哋點相處，而且佢個女都咁大個，我個女仲係細，等大少少再諗啦。」他又笑言未有女兒的Facebook：「我連自己個Facebook都冇。」
談到《一代宗師》未能在奧斯卡頒獎禮獲獎，學友表示：「有得提名都唔錯，起碼有得參與。」另外，對於日前昆明發生大屠殺，學友坦言事情恐怖，自己以往亦曾到當地登台，但相信只是個別事件。
文：音樂組