張栢芝星洲被偷拍 考慮移居蒙古
張栢芝昨在香港啟程到上海為電視節目《最強大腦》任嘉賓評判，同行還有好友化妝師Rick Chin，今次栢芝到上海錄節目，「都敏俊教授」韓星金秀賢都是嘉賓之一，問栢芝有否煲韓劇《來自星星的你》？栢芝幽默笑言：「我抬頭睇星星就有，最近忙湊小朋友，所以未有時間睇，之後有時間都想煲番。」
為了令兩個兒子Lucas、Quintus有寧靜的生活，栢芝帶同兩個兒子移居新加坡，怎料，平靜生活再起波瀾，日前有傳媒拍得她們三母子在新加坡生活的照片，栢芝對此直言有點不開心，她無奈地表示：「呢啲嘢（指被偷拍）都唔係我可以控制到，再咁落去，真係要移居去非洲、蒙古！」
