岑麗香自封「妖魔鬼妹」
藝人岑麗香、蕭正楠（Edwin）、黎耀祥昨在鑽石山出席活動，香香身穿黃色連身裙，露兩吋事業線，大sell青春性感，正拍攝古裝劇《無雙譜》的她，自爆被廣東話考起：「講唔到『妖魔鬼怪』，我就鬧自己，我係『妖魔鬼妹』！」
早前Edwin爆出髮線後移要植髮，受訪時他坦言之前拍劇要剃頭，令頭髮受損，因此詢問專家意見，現要塗藥水助生髮，但他笑言：「男人嘅頭髮愈多愈好，依家夠用嘅，唔使植髮。」而有報道指Edwin緋聞女友何傲芝日前被拍到夜會男友人，令他嬲爆掟煲，即沒收借給她的私家車，Edwin就否認其事，還聲稱何傲芝是好朋友，力證二人關係無變。
另外，捱到上唇生瘡的祥仔，搞笑說不會妨礙和老婆親熱：「小問題，我哋唔會激烈嘅！」