羅仲謙Man爆規劃怡家
藝人羅仲謙在過去一年的事業運非常強勁，除了劇集外，在電影《古惑仔：江湖新秩序》內飾演新一代陳浩南擔正做男主角，他更在年度巨獻《西遊記之大鬧天宮》內飾演木吒一角，成績相當不俗！事業心重的他亦未感到自滿並希望2014年事業可更上一層樓：「希望有更多挑戰同得到觀眾嘅注視。」入行踏入第十個年頭的他笑言並不貪心，只望一年比一年進步：「每年少少進展，咁我就已經好滿足。」他又表示十分恨嘗試家族的恩怨情仇劇種：「就算做敗家仔都oko架，同埋我想喺打戲方面多啲發展。」
一出道已跟眾多影帝級人馬合作過，他自言十分幸運：「希望將來有機會同梁朝偉合作。（女藝人？）又冇諗過喎。」不過他笑說不是怕緋聞女友楊怡呷醋：「只係自己鍾意男人同男人之間嘅戲、兄弟情。」近年與楊怡的感情事逐漸浮面，他亦期望新一年感情會有好發展：「有好收成，自己年紀都開始大，都會諗將來同家庭。」問到是否已經與另一半有全盤計劃時，他「Man爆」表示就算有沒有另一半，作為男士都要為將來打算：「要為父母、伴侶、家庭同身邊好多人打算，其實早幾年都已經準備緊。」他更許下諾言表示有適當經濟能力就會結婚：「不過依家仲差啲，唔想求其結婚，為咗另一半一定要準備得好足先可以結婚。」
