陳靜調節情緒唔使優待
復出拍戲的陳靜日前偕盛君現身果欄派飯，被指暴脹的她成功減磅，更表示情緒病已康復，現在工作起來心態更輕鬆，並揚言：「係我唔好，唔需要特別優待。」兩女又大讚首次合作的古天樂好靚仔！
去年因情緒病突然宣布「閃退」的陳靜（DaDa），近日復出拍攝其頭炮電影《Ｚ風暴》，早前以密實風褸加背心打扮，與影壇新貴盛君在果欄附近取景，劇情講述兩女與義工推着手推車，到天橋底派飯給露宿者，飾演女警的盛君趁機接近DaDa，讓對方成為其線人。
戒澱粉質減6磅
現場所見，DaDa拍攝時心情不俗，更一度撩旁觀的小妹妹玩，放飯時又與盛君邊食邊傾，惟瘦蜢蜢的盛君大魚大肉時，被指暴脹的DaDa卻只吃青菜飲湯，她坦言正戒澱粉質減肥，目前已成功減去6磅，並笑道：「減肥係一世o架，大家都覺得我清減咗，不過未係最好，我希望瘦多5磅，運動就靠呢套戲跑來跑去，消耗量好大。」
問到再拍戲有否壓力？DaDa說：「唔會，反而心態更輕鬆，但要努力多啲，其實都唔係休息好耐，依家拍戲都慣，大家都有慰問我。」DaDa自言一切順其自然更舒服，又直言不需要優待：「每個人都有自己嘅情緒，係我自己處理得唔好，所以大家唔使特別對我好，我依家冇嘢。」
古仔護花嗒晒糖
戲中，她與古天樂（古仔）、王敏德、林家棟均有對手戲，除了跟家棟、王敏德分別有感情及情慾戲外，更在追殺場面中獲古仔保護，DaDa也坦言期待與三位型男合作，問能否應付動作場面？她笑謂：「我唔使打，古仔負責保護我，（被古仔電親？）我見古仔唔多，但好欣賞佢，佢近年嘅戲愈做愈精彩，今次自己係學習心態，其他嘢唔敢諗。」
首次跟古仔合作的盛君亦興奮表示期待又緊張：「之前都好鍾意佢，睇過好多佢嘅戲，一向都覺得佢靚仔，見到真人都真係好靚仔！」
文：影視組