古天樂要K cup老婆
古天樂昨日以電影節大使身份亮相「第38屆香港國際電影節」記者會，古仔講到對將來太太身材的憧憬，笑謂希望她有K cup身材。古仔暗示不介意另一半「打假波」，笑說：「如果真係鍾意佢，缺點都變成優點啦。」
古天樂、楊千嬅、黃又南、徐天佑、彭浩翔等昨日到九龍灣E-Max出席「第38屆香港國際電影節」記者會。古天樂以電影節大使身份亮相，大會宣布古仔、千嬅有份演出的電影《香港仔》及《那夜凌晨，我坐上了旺角開往大埔的紅VAN》同為電影節開幕電影，閉幕電影則為英皇電影《魔警》，導演杜琪峯則加入香港國際電影節協會成為副主席及董事局成員。另外《魔警》亦應邀在台灣為《2014金馬奇幻影展》作閉幕電影。
古仔在新片中有位身材豐滿太太，問他現實中可希望將來太太身材好？古仔笑說：「最好啦，K cup啦，畸形個畸呀。」問可介意將來太太身材「造假」﹖他說：「如果真係鍾意佢，缺點都變優點啦。」而千嬅透露拍攝新戲角色「影響」了與老公丁子高的夫妻關係，她說︰「因為想保持角色嘅沉重情緒，加上早出晚歸，又想甩咗丁太嘅情緒，所以嗰排真好少同老公傾偈，係咁耐以嚟最少，自己都驚驚哋。」
千嬅爆老公呷醋
千嬅又指拍攝期間導演彭浩翔凌晨三點發訊息給她，令千嬅被老公問話，她說：「導演嗰晚發短訊叫我唔好瞓想我有黑眼圈喎，老公都即刻問我邊個嚟。」問千嬅為部戲可有影響夫妻關係﹖在旁的彭浩翔搶答抵死說：「咁唔瞓都好多嘢可以做嘅。」千嬅說：「係呀，可以按吓腳、煮吓麵咁。」
採訪：影視組