楊崢風騷出關證情未變
近日有傳「崢澤戀」玩完，女主角楊崢昨日首度出席公開活動，事先張揚不做訪問的她，雖然封嘴但行頭十足，狀甚風騷，左手無名指更戴上巨鑽，心情靚甚唔似與Bosco情變！雖然楊崢已將車子歸還黃宗澤（Bosco），但獲大會安排專車接送、保安護駕，依然排場十足。
楊崢昨晚與陳慧琳（Kelly）、Ana R.、Amanda S.等人出席LOEWE呈獻「FRACMENTS OF A STORY」巡迴展覽，楊崢乘坐大會安排的七人車抵埗，因正門有大批記者，車子即停泊在較遠處，落車後楊崢笑笑口步入會場。
排場十足
一早揚言不接受訪問的楊崢神態自若地讓傳媒拍照三分鐘，見她行頭十足左手無名指上戴上巨鑽，現場有四、五名公關及保安人員護駕，排場十足。記者高聲問她「是否已與黃宗澤分手？」、「心情如何？」她都帶笑避而不答，其後在展覽場逗留十分鐘左右，離開時她見到Ana正在受訪，即拍一拍對方打招呼，跟着與品牌高層合照時有講有笑，表現風騷，以行動證明沒有情變！記者再嘗試要求楊崢做訪問，問及戀情狀況？她依然未有理會。及至活動完畢，楊崢由大會保安和男助手陪同下返回鯉景灣寓所，期間有八輛採訪車尾隨，只見她落車時已換回平底鞋。
Ana：要控制情緒
至於同場的Ana坦言想一見久未遇見的楊崢，提到「崢澤」疑似分手，Ana說：「如果係都幾慘，啱啱開始嘅感情，咁快分手。（佢唔做訪問喎。）呢段時間好難過，我都試過幾年前分手唔開心，但我都有做訪問，有經理人喺身邊支持我。佢唔做訪問可能擔心自己情緒控制唔到。」
而Kelly在「崢澤戀」爆出後，先後跟Bosco及楊崢在活動中碰頭，Kelly有上過女方主持的節目受訪，不過大家沒有聯絡。問會否覺得二人戀情兒戲？她說：「唔知真假，冇八卦人哋啲嘢。」此外，有傳熱爆韓劇《來自星星的你》開拍電影版，Kelly是候選女主角之一，她有興趣接拍：「梗有！呢套劇咁收得，角色好有發揮，又多靚衫着。（姐弟戀喎？）唔介意。」還說不介意拍蜻蜓點水式接吻戲。
文：名人組
攝影：追蹤組