官恩娜名花有主拒劈腿
歌手官恩娜（Ella）昨日出席活動被司儀大讚是「電眼女神」，與外籍醫生男友拍拖多年的Ella承認曾獲男友讚雙眼迷人，更自爆雖已公開戀情，但仍不乏追求者，專一的Ella坦言不會一腳踏幾船：「我接受唔到。」
Ella、衛詩雅（Michelle）及魔術師甄澤權昨日出席護膚品牌活動，由於Ella與Michelle獲封「電眼女神」，Ella表示男友都有讚其雙眼迷人：「佢話眼睛閃閃好似會說話。（桃花眼多人追？）有人追呀，雖然公開有男朋友，仲拍咗一段日子添，不過都有人追求，有啲男仔原來唔理o架，鍾意競爭，覺得幸福應該係佢畀我，但我接受唔到囉！」同場的甄澤權即場示範魔術，而他農曆新年到了拉斯維加斯表演，亦有看魔術大師大衞高柏飛演出，令他相當難忘。
衛詩雅城城傳緋聞
而同場的Michelle對於有指她與歌手吳若希及蔚雨芯，獲天王郭富城關注Instagram及相約食飯，Michelle先以「唔識答」同「我唔答」回應，強調從未跟對方出街，問到對城城印象？她大讚說：「跳舞好叻，係一個全面前輩。（符合男友要求？）冇諗過，喜歡圈外人做男友。」而吳若希表示前經理人與城城是朋友，每次飯局都是一大班人，她說：「大家冇交換電話同冇單獨約會，唔需要搞到咁複雜。」記者亦聯絡城城經理人小美，但因身處外地未聯絡得上。
文：音樂組