呂慧唔稀罕 娜姐︰冇驚喜
新一年財政預算案昨日公布，一班藝人對財爺的派糖措施有讚有彈，當中宅男女神周秀娜表示無驚喜，但笑言打算用稅項寬減所慳的錢去旅行；呂慧儀直言父母免稅額雖有加幅但不值一哂，反建議財爺開源；陳爽就笑言考慮接內地父母來港住當慳錢！
藝人跟市民一樣對寬減個人入息稅及薪俸稅（上限一萬元）特別關心，近日忙於瞓身拍攝時裝廣告的周秀娜昨日抽空留意財政預算案，她坦言着重關心基層及教育措施，但仍覺今次預算案驚喜欠奉：「冇乜驚喜，不過都有少少受惠。我覺得最緊要係幫多啲基層人士，因為今次對基層嘅幫助唔算十分多，教育亦要放多啲資源，畀多啲老師增值。」她又稱每年也會很緊張稅項寬減，並打算用今次的減稅所慳的錢去旅行。
劉俐儲錢做老闆
港姐陳庭欣和「藍莓」劉俐對減薪俸稅齊聲讚好，前者計劃儲錢買樓，後者開心說：「可以儲錢同朋友合資開店。水費加都唔會理，不過慳水係美德，惟有洗碗慳啲。」而正在攻讀公共衞生課程碩士的港姐張嘉兒則稱：「減薪俸稅對個人而言係好，不過要睇番公共服務，減稅要平衡，若有需要嘅人得唔到足夠幫助就唔好。」
陳爽接父母來港
圈中有不少孝順仔女，對於父母免稅額提高自然受惠。陳爽直言內地父母快將60歲，會考慮接二人返港居住，還笑言可以慳錢，但稱提高子女免稅額不會影響其生育大計。不過，父母均已過60歲的呂慧儀則稱加幅少，作用不大：「父母都60歲啦，今次多兩千蚊免稅額，即係每個月都係多百幾蚊，飲餐茶都冇咗。今次整體派糖作用不大，不如政府諗吓點開源好過啦。」
文：專案組