伍詠薇拒撐楊崢

伍詠薇昨偕好友袁詠儀接受無綫節目《燭光晚餐》訪問，談到有指早前與黃佩霞聚會時講到楊崢，伍姑娘昨否認說：「黐線！第二個人嘅事我唔會牽涉在內。（楊崢搶人男友？）冇聽過，冇意見。」同場的靚靚問：「點解你哋咁唔鍾意楊崢？」記者解釋她沒朋友、沒有人撐，靚靚即謂：「都幾悲哀。」問伍姑娘會否撐楊崢？她即大叫：「梗係唔會！」
伍詠薇自問低調，不會評論任何新聞。
伍詠薇自問低調，不會評論任何新聞。

楊崢是伍姑娘老公練海棠舊愛，有傳分手後楊崢繼續碌練海棠卡，伍姑娘說不知情，也沒問老公，問會否感不快？她笑謂：「冇，因為我成日碌老公張卡。」問伍姑娘老公是否執身彩？靚靚再插嘴：「你老公係咪要舞龍點睛、開香檳？佢明顯執身彩啦，你又玩得又睇得！」

伍詠薇與袁詠儀接受黎芷珊和黃秋生訪問。
  • 伍詠薇與袁詠儀接受黎芷珊和黃秋生訪問。