杏兒尷尬兜路避宗澤

黃宗澤昨晚與曾拍拖七年的胡杏兒到將軍澳電視城出席無綫戲劇製作總監梁家樹榮休酒會，兩人抵達時間相若，杏兒到場後向記者查問梁家樹的位置，同時發現Bosco在附近受訪，杏兒誤以為記者有意「撮合」兩人，即回頭笑說：「你哋好鬼衰o架！」其後她兜路行另一邊，以免與Bosco太接近。Bosco亦有發現杏兒並望了兩眼，他受訪後即極速彈開，與杏兒保持「安全距離」，氣氛突兀。

祝福「崢澤戀」

杏兒受訪時否認跟Bosco碰面感尷尬，並表示因剛從巴黎返港，未有留意「崢澤戀」進展，對於被指撐Bosco分手，杏兒澄清說：「冇咁嘅事！我衷心祝福佢哋，希望藝人拍拖有多啲空間。」過往杏兒與黃母感情頗佳，對於有傳黃母不喜歡楊崢，杏兒說：「傳聞啫！我唔方便講太多，都係人哋嘅事，希望佢哋開心！（同黃媽媽仲有聯絡？）呢啲唔講啦！」而杏兒表示視梁家樹為伯樂，感激對方提攜她拍《衝上雲霄》，問有否興趣參與電影版？她表示要拍劇未知檔期，但頗感興趣。

放大圖片	黃宗澤和楊崢關係未明朗，胡杏兒則送上祝福。

否認被母親鬧

Bosco則被問母親是否不喜歡楊崢而鬧他？他只說：「邊有？你哋仲清楚過我阿媽。」提到近日負面新聞不斷，Bosco無奈表示每日都有不同版本，再問母親是否對楊崢印象麻麻？他說：「屋企嘢唔講。（分手都唔講？）等我哋兩個自己處理，唔使樣樣事都700萬人見證。（情不變？）日日都講，你哋都攰，畀條生路我行。」問是否願意與杏兒合照，他只說：「你哋真係麻煩。」

黃宗澤

楊崢（資料圖片）

另外，壓力甚大的楊崢日前向電台申請長假，今日她將出席時裝活動，據知她已向公關表示不受訪，以低調處理感情事。

文：影視組