黃日華斥陰謀：種咩因，得咩果！
黃日華老父黃桂因病入院，其現任妻子劉煥珍透露因家人關係不佳，未能成功聯絡得黃日華。連日來未有作出回應的黃日華，昨日終於現身首度開腔表態，他認為家家有本難唸的經，自問對得住自己良心：「種咩因，得咩果！」他又質疑地稱：「點解趁我老婆有病先出呢啲新聞？」
黃日華年屆84歲父親黃桂患病入院，其第二任妻子劉煥珍一直在旁照料。她指黃桂臥病在床一直希望黃日華前來探望完心願，可惜家人關係欠佳，一直聯絡不上對方，繼而有指事件牽涉金錢分配，連日來黃日華未有現身或對事件表態。事件擾攘多日後，黃日華昨日終於現身九龍灣運動場，與明星足球隊成員譚詠麟、梁漢文、羅家英、張兆輝、關禮傑等練波。黃日華昨午約三時到達現場，見他雖然心事重重，但未有影響他落場的幹勁。
避談會否探病
黃日華練完波後大方受訪，問他知否父親患病入院？以及會否到醫院探望？他未有正面回應會否探病，只表示多年來都不提家事，希望大家可以一齊感受整件事情。他感慨地說：「陳志雲講過一句：『君子相分，不出惡言。』佛家有話：『種咩因，得咩果！種唔好嘅因，有唔好嘅果！』」他稱不想再回應私人事，但強調最重要一句：「路遙知馬力，日久見人心。」對於父親入院曝光，他希望大家可以細心分析，為甚麼太太梁潔華有病才出現這種新聞！他謂：「我覺得成件事係有計劃！私人嘢唔使講，每個家庭都會有問題。家家有本難唸的經。點解趁我老婆有病先出呢啲新聞？」
人在做天在看
問他女兒黃芷晴與爺爺關係如何？多年來有否見過爺爺？黃日華說：「幾年前有見過，我以前做訪問都有講過同家人關係唔好。我自己一向好獨立，對得住自己良心。」再問他知否女兒心情有否受影響？他說：「當然有啦，記者日日都追問佢，佢都有叫我回應一吓。其實咁多年，我都好少同個女講呢啲事，依家件事家人會處理嘞，家姐都會處理。（你同家姐有聯絡？）同家姐間中有聯絡。成件事好複雜，最重要一句：『路遙知馬力，人在做天在看。』」另外，問他太太身體情況如何？黃日華說：「OK。」
文：影視組