關楚耀深圳揀女肉搏
【葉曉瑜深圳直擊】電影《喜愛夜蒲》系列大收，導演錢國偉將開拍新作《台北夜蒲團》（暫名），昨日更與關楚耀（Kelvin）現身深圳夜場，為試鏡擔任評判，但見眾女試鏡時盡展渾身解數。Kelvin身為新作男主角，對於「肉搏戲」笑言已做足準備：「I am ready！但唔知需唔需要露（操緊肌肉？）其實keep住操緊，有時間都會健身keep體形，要隨時ready嘛！」
而錢國偉透露新作講述台灣夜場趣事，瘋狂程度直迫《醉爆伴郎團》，日前更遠赴台灣為一眾台妹試鏡：「好多香港人都覺得台妹辣過港女，（辣唔辣到你？）好辣！好犀利！台灣女仔非常踴躍，仲見到李毓芬、雞排妹同埋Makiyo，希望快啲搵到女主角。（會唔會考慮台灣淫照o靚模？）好多台灣女仔都比港女大膽，但套戲係ⅡB級唔會露點，最緊要拍得靚！」
