DaDa晒胸器 老外眼凸

傷愈後的陳靜（DaDa）昨晚性感登場首次現身活動，一位外籍高層看見她，即攤開雙手表現嘩然，合照時對方又不時望向DaDa胸前，令她顯得有點不自在，即用皮草往身上遮遮掩掩。問到DaDa是否傷愈後首次出來，她說：「其實一直有開戲，但就係第一次扮靚靚出嚟。條疤已經變成好幼嘅線，冇凸起，進展得好好。（會唔會磨皮？）如果有需要都會做激光同磨皮。（順便整容？）多謝，自己覺得冇乜需要，唔係話自己好靚，自然樣整唔到，仲珍貴，整咗人工會睇得出，（邊個睇得出？）好多嘅。有啲好勇敢講出嚟，係對方選擇，自己唔批評。」她透露拍攝的電影煞科，會放大假，自言人大了，不會再重蹈覆轍玩失蹤。

梁靖琪病冇到

昨晚皮草之夜星光熠熠，莊思敏、朱璇、Jessica C.、黃智雯、冼色麗等均性感亮相，而本來是當晚嘉賓之一的梁靖琪卻因為發燒未有到場。身為香港毛皮業協會理事的皮草大王太子爺王大業透露自己今年與設計師合作設計皮草，對於梁靖琪因發燒缺席，他說：「我聽公關講先知佢發燒嚟唔到，如果病都冇辦法，迫唔到，尋晚收到佢經理人通知。今日搵咗前港姐黃心穎頂上。（會否永不錄用？）唔會，如果狀態唔好就唔好嚟，暈低仲弊。（是否同佢分居冇關？）應該唔關事，又唔係啱啱有呢啲新聞。」提到舊愛何超雲本月27日生日，他表示忙得沒時間送禮物，但會send訊息祝超雲生日快樂，又坦言沒有想過復合。

打扮性感誘人的陳靜惹來身邊男士對她行注目禮。

朱璇近日明顯豐滿不少，身材更有睇頭。

黃心穎後補王

此外，性感上陣的黃心穎被問到臨時拉伕頂替梁靖琪，她說：「都係job啫，唔介意執二攤，之前拍《On call 36小時》都試過，監製覺得原本做嗰個角色嘅演員唔適合，開拍前3日先搵我做。（你係後補王？）係呀。」

黃心穎自言不介意執二攤，還指自己好好彩。	莊思敏性感撐前緋聞男友王大業場。	黃智雯與王大業難得在皮草騷上碰頭。

文：名人組