鄧麗欣笑死：我值1萬蚊咋？
歌手鄧麗欣（Stephy）跟方力申拍拖多年，甚至有消息指兩人已秘婚，但無阻Stephy的魅力，有三十餘歲的癡情漢郵寄萬元利是給薛家燕做媒，希望家燕姐介紹Stephy給他認識，受寵若驚的Stephy笑言：「我值一萬蚊咋？」
薛家燕前晚在「開心家天下馬年春茗派對」自爆有人給她一萬元，希望家燕姐做媒人介紹Stephy給他認識。事緣日前她在無綫信箱收到一個神秘公文袋，封面上寫有「南無阿彌陀佛」字句，裏面竟藏有一封一萬元現金大利是，還附有信件，對方聲稱是Stephy的粉絲，希望家燕姐做媒人介紹Stephy給他認識。家燕姐說：「我好多謝佢咁信任我，但我唔收得呢啲錢，我會聯絡佢畀番佢。」
自稱真命天子
本報再致電追問家燕姐，她透露除了利是，還有一封信件、相片及齋菜菜單，她說：「佢姓廖，睇佢大約三十幾歲，四四正正，正常樣，佢話自己係鄧麗欣嘅真命天子，由2007年開始鍾意佢，懇求我介紹佢認識做朋友。將來同鄧麗欣結為夫婦，仲話曾志偉、譚詠麟、鍾鎮濤各得一萬蚊，去齋店食齋。」家燕姐強調不會幫對方做媒：「我都唔識佢，我同Stephy唔熟，佢同小方拍緊拖，仲話結婚，今日我聯絡過喺內地嘅小方約佢訪問，但就冇講呢單嘢。」
家燕姐相信對方沒有企圖，只想跟Stephy做朋友。日內她會派助手親自將一萬元現金送回公文袋上所寫的地址給對方。
擔心騷擾他人
Stephy昨日接受電話訪問，得知有癡情粉絲時笑說：「我值一萬蚊咋？都係小方話我知，笑死我。之前我聽助手形容過有個虔誠佛教徒，經過聯絡佢要求想見我，我覺得應該係同一個人，但我從未見過佢。（驚唔驚？）唔驚，只係怕佢騷擾到其他人，其實佢又唔係好瘋狂或者好變態，都係用平靜方式話想見我。如果佢真係支持我，參加歌迷會或者循正途方法出席我啲活動。」過往可有遇狂迷？她表示收過類似信件，對方幻想跟她結婚，又寫信鬧她與男仔傳緋聞。
文：音樂組
攝：李柏儒