基仔漏口風：考慮人生大事
古巨基和得力女友Lorraine獲本報率先披露今年暑假會結束20年愛情長跑結婚，基仔前晚出席英皇春茗露口風說考慮人生大事，求婚招數更打算向熱爆韓劇《來自星星的你》取經！
基仔農曆新年期間與助手兼女友Lorraine到美國開演唱會，並被當地歌迷追問基仔是否前來秘婚，前晚基仔終於在英皇春茗上露面，記者連聲向基仔說「恭喜」，基仔初時扮懵笑謂：「新年嗰啲恭喜？（結婚呀？）哈哈，我頭先飲咗好多紅酒，酒後會吐真言，我唔係結婚，係去美國做演唱會。」問他是否今年結婚？基仔則未有否認，並笑到四萬咁口說：「你哋由得我啦，我呢啲剛熟透年紀會去考慮自己人生大事，多謝大家關心我成家立室嘅事，如果發生一定畀大家知道。（向Lorraine求咗婚未？）吓，依家唔興呢啲，（睇《星星》學求婚？）未睇，等我睇完《星星》睇吓有乜睇法先。」
周慧敏暗戥老友開心
談到容祖兒在台上大爆基仔「有大Project搞」，他坦言：「呢啲大Project未有經驗，再研究吓先。（Project喺香港定外國搞？）我自己都未知咩時間、咩形式，會等大家冇咁在意時先發生。」講到好友周慧敏（Vivian）亦暗地戥兩人歡喜？基仔笑言：「佢暗地裏歡喜咗好多年！」並再向大家承諾：「發生開心事一定話畀大家知，唔使大家要查都會知。」
楊受成加碼十萬抽獎
至於Vivian前晚在英皇春茗上透露將與英皇合作今年推出福音碟，並遭追問基仔婚訊，她坦言未收到通知，不會當面追問當事人，相信要知的時候定會知，她會暗地期待。而春茗現場，身為老闆的楊受成抽中一部iPad mini，令全場起哄，楊生識做地將獎品捐出，兼再加多10部來抽獎，祖兒趁機叫楊生「加碼」10萬現金獎，立時增添十位「萬元」幸運兒，可謂皆大歡喜。
文：音樂組