子珊晴彩入戲
社交名媛陳君宜（Qinnie）與富商老公鄭躬明為慈善不遺餘力，二人早前大打人情牌，邀請了五十名歌影視紅星，包括甄子丹、胡杏兒、徐子珊、劉心悠、任賢齊、江若琳、衛詩雅等拍攝了以「眼神」為主題的黑白照，徐子珊獲大讚眼神識做戲。
該輯照片稍後會在由Qinnie與老公創立的時尚購物網站ZEUZ.COM周年晚宴中公開拍賣，所籌得善款會捐給奧比斯。談到為何選定奧比斯作為今次的受惠機構，她坦言跟丈夫的經歷有關，她說：「我老公喺十幾歲既時候，唔小心用剪刀插親自己隻眼，除咗影響視力之外，眼珠偏埋一邊，外觀上唔係咁好睇，當時令佢好自卑，到佢有力能賺錢嘅時候，就去咗美國做手術，雖然視力依然麻麻，但至少外觀上變番正常，所以佢覺得眼係好重要。」
衛詩雅喊住撐
談到拍攝，Qinnie希望大家以眼神去表達情緒及感覺，而她亦有親身上陣展露笑容。至於令她最印象難忘的是衛詩雅，她說：「攝影師提議佢喊，點知一叫佢喊，佢即刻可以喊得出，真係好犀利。至於徐子珊都好勁，我覺得佢隻眼好似識做戲咁，任賢齊完全畀人感覺到佢係好有愛心，好親切嘅人。」
文：名人組
