給任白的情話
任白是粵劇界殿堂級人物，身為他們的徒弟，亦萬千寵愛在一身，對敬愛的師傅，兩人有話要說……。
寶珠：學任姐要謙厚
「任姐、仙姐，多謝你哋嘅教導，雖然我哋接觸唔多，但任姐你做人處事謙厚、真誠，令我學到好多，好希望你喺上面過得開心，做徒弟嘅永遠將你擺喺心中，永遠向你學習，唔會令你失望！仙姐，你對藝術嘅追求，我一定及唔上，做徒弟嘅只希望令你開心快樂、身體健康，已算係對你嘅一種報答！」
阿嗲：仙姐教要安分
「任姐、仙姐，好多謝你哋栽培我，如果冇你哋，根本亦冇今日嘅我，我能夠今時今日，仲可以喺舞台上同觀眾見面，要多謝你哋！好多謝仙姐你話：「人喺台上唔好爭任何嘢，最緊要自己努力！」我喺演繹上應該合唔到你心意，但喺做人方面，我會照足兩位老人家說話去做，會永遠記住！冇你哋，就冇我，總之好多謝你哋兩位。」