阿澤明抄星爺唔怕輸
杜汶澤於新片扮演唐伯虎，昨日與飾演石榴的陳靜（DaDa）拍攝宣傳海報，阿澤笑指不介意外間把他與周星馳當年的「唐伯虎」比較，坦言做到對方十分之一已很好。
杜汶澤、DaDa、文凱玲等昨日為電影《唐伯虎衝上雲霄》拍攝海報，期間更抱起飾演石榴的DaDa調戲一番，十分搞笑。片中飾演飛機師的阿澤，因一次穿過雲層返回古代，碰上唐伯虎後把他扑暈，並取替其身份到處風流。
對於要扮演唐伯虎，阿澤笑指角色會保留當年星爺於《唐伯虎點秋香》時的情節，問到事前有否重溫作參考？阿澤謂：「唔使特別重溫，年年新年都會重播嘛！（驚唔驚將你同星爺比較？）唔介意話抄襲同比較，好嘢唔怕抄，星爺冇可能超越到，咁多億票房喎！我有佢十分之一都OK啦！」談到與DaDa再次合作，阿澤大讚對方進步不少：「冇以前去到現場記唔到對白，會做好準備，所以上到位係有原因。」
老婆中「星星毒」
提到該片講及穿越時空，似食正近期熱爆的韓劇《來自星星的你》，阿澤即爆老婆中了「星星毒」，他謂：「佢睇到黐晒線，之前睇到15集停咗打嚟問我點算，好在當時容祖兒解答到佢，話之後有番，佢即刻安樂晒。」
DaDa則透露與阿澤再次合作更有默契，即使對方爆肚也招架得住，更指情人節當日工作中度過，她謂：「3年冇拍拖，都想拍吓，但冇拍拖可以專心工作，都係好事。」至於首度拍古裝片的文凱玲，表示阿澤不時於現場提點，令其獲益良多。
文：影視組