Lea T.玩半裸招浪蝶求婚

霍啟山緋聞女友兼模特兒Lea T.、黃日華女兒黃芷晴，以及新鴻基地產代理租務總經理馮秀炎昨午出席apm舉辦的「國家文物婚書珍藏展暨新世代結婚消費調查」活動。Lea皮膚明顯比前黝黑，她笑言：「我去咗泰國旅行曬太陽。（同緋聞男友啟山？）哈哈，no！」她表示與朋友去布吉玩，更於沙灘上拍無上裝照，問到是否進行大解放？她笑言：「其實我着比堅尼，只係影幾張相嘅時候除咗個top，啲相出嚟嘅效果好靚。」Lea的朋友更將她的索爆照上載到網絡，引來素不相識的人向Lea求婚。