Jocelyn爆老公60日做肌男

名模Jocelyn昨日下午與老公Anthony恩愛現身中環ifc，兩人見到記者即大方的企定定任影。她表示農曆新年時去了朋友家，在天台BBQ睇日落，之後又睇煙花及去沙灘玩飛碟。說到新年願望，Jocelyn表示希望全宇宙的人開心、健康和成功。另外，她又透露新年前飛往夏威夷三星期，探望行動不便的嫲嫲：「嫲嫲有心臟病，所以我幫佢改善飲食、教佢做運動，依家佢好壯健，我好開心，每日都同佢講視像電話。」談到大計，她表示和老公開始學普通話，老公更會展開為期60天的瘋狂操肌練大隻。