胡定欣撐杏兒多人追
藝人胡定欣昨日是新年後首日開工，她透露趁假期獨自去了紐約上跳舞堂三星期，男友則因要工作而未能陪她，她表示因被今趟旅程嚇怕而不敢生小朋友：「我住喺個朋友屋企，佢有3個小朋友，啲小朋友一扭計同喊，佢就好似師奶咁好粗聲粗氣，我住咗一個禮拜就頂唔順要搬去酒店。」
談到好姊妹胡杏兒的前男友黃宗澤與楊崢拍拖，定欣亦坦言有點驚訝：「不過戥佢（黃宗澤）開心，至緊要係佢開心、鍾意。等佢哋自然發展啦，旁人唔好加咁多意見，其實都隔咗咁耐，佢再拍拖都好正常。（杏兒仲單身？）佢好多人追！見到好嘅都會介紹畀佢。」
至於琦琦從外地返港，說到名模楊崢與黃宗澤的姊弟戀，琦琦謂：「呢個世界愛係唔分界限，無論年紀、金錢都係。」