三哥病倒停工酒照飲
近日天氣突然回暖，不少人因而中招病倒！苗僑偉（三哥）亦成為其中一分子，原定新年期間要為新劇開工，最終因感冒打敗仗請病假，三嫂透露三哥雖然有戒口盡量吃得清淡，但有朋友到來拜年也有湊熱鬧飲番兩杯。
苗僑偉（三哥）有份演出的新劇《使徒行者》開工已有一星期，原定新年期間也要開工，不過三哥近日卻患上感冒，為免傳染同劇演員，至今也於家中休息，並由太太三嫂照顧。昨日三嫂接受電話訪問，透露三哥感冒及氣管敏感，更謂︰「呢幾日都開唔到工。（新年要戒口好慘！）盡量食少啲同清淡啲，不過新年有咁多朋友嚟，都有飲一、兩杯酒囉！」
敏之森美激吻
而陳敏之與陳倩揚昨日則於北角拍攝《使》的揸車戲份，劇中有「前度」森美及「未婚夫」沈震軒的敏之，透露日前與森美拍攝一場激吻戲，她謂︰「嗰場係回憶，好好笑，今次係我主動，但劇情要佢個樣好認真，唔知點解見到佢我就忍唔住笑，所以咪不停搣自己囉！」更透露年初一至年初三不停出外拜年，問到與男友拍了9年拖有否被催婚？敏之笑謂︰「冇啦！（情人節會唔會慶祝？）要開工，早收咪會食飯。」
文︰影視組