張智霖父子裸泳 拉靚靚落水
自張智霖簽約蕭定一後，事業更上一層樓，亦為公司賺錢。而蕭定一為獎勵「福將」便出錢請張智霖一家三口到馬爾代夫旅行，昨日眾人啟程時，張智霖笑言希望可以與囝囝「魔童」裸泳，至於能否拉太太袁詠儀（靚靚）落水，就要看她的膽量了。
張智霖（Chilam）昨午現身機場櫃位，為自己及代靚靚和兒子魔童辦理登機手續，一家準備出發往馬爾代夫旅行度歲。他笑言沒有預到有記者在場要受訪，並指靚靚去了買東西，然後便步向閘口方向。
入閘前，Chilam表示希望此行可以與魔童齊齊裸泳，問到靚靚會否一齊裸？他笑說：「唔知佢夠唔夠膽，我都要搵個適當時候，可能要揀夜晚。（追多個女？）順其自然啦。」對於老闆蕭定一女兒十分喜歡Chilam，Chilam笑稱蕭定一女兒得16個月大，但已成為他的超級粉絲，又講笑謂簽約給蕭定一，好大程度是為了娛樂他的女兒。而與蕭定一合作愉快，Chilam希望今年可以旗開得勝：「其實新一年有好多計劃，今次去馬爾代夫可能都係開會多，不過離港心情都輕鬆嘅。」
加盟半年已為公司賺錢
另一邊廂，蕭定一與妻女亦現身機場，他直認請Chilam一家旅行，指對方一直配合公司工作，為公司進帳不少，他說：「同佢合作半年好開心，請佢一家旅行都係三位成員啫，當係一種回饋。（豪使幾多錢？）新年流流唔講錢。」蕭定一又指囡囡喜歡陽光海灘，亦是首次帶女兒出埠旅行。至於有指禁止張暖雅宣傳新片，蕭定一直指無需要再與她聯絡，但與其丈夫胡耀輝有見面和拜年，沒有影響感情，他說：「做人要對得住良心，畢竟未能滿足地球上所有人，但亦無需要理人哋嘅睇法。（會再合作？）將來嘅事冇人知。」此外，余文樂昨日與男友人在機場出現，他表示：「出去行吓囉！」
文：影視組