佘詩曼陪Toby過難關
梁靖琪（Toby）結婚，好姐妹佘詩曼（阿佘）當年曾擔任姊妹，昨日阿佘聞得對方離婚，在接受電話訪問時直認不開心：「兩個都係好朋友，夫妻相處真係一門學問，可能佢哋細個結婚會易啲出問題，既然佢哋有咁嘅選擇，會支持同扶持佢哋，已經陪Toby度過咗最難過嘅時刻。」
好友雖然離婚，但不會影響阿佘對婚姻的信心，她說：「要學識相處先好去諗結婚，希望經過今次，佢哋都學識選擇。」
另外，阿佘昨日在電視城拍新劇《使徒行者》，農曆新年她與友人在家中玩「魚蝦蟹」耍樂，連發三日新年財贏了數千元！但單身的她情人節要開工度過，希望馬年能遇到真命天子。另一好姐妹周家蔚指Toby離婚，是相處之後發覺相處不來下的決定，作為朋友沒有過問，她們一班人經常一起，保持平常心的Toby心情OK。
文：外娛組