將轉職邵氏電影擔任高層的前無綫製作部總監梁家樹，就女兒梁靖琪離婚一事昨受訪時坦言感到難過，但明白到年輕人處理感情自有一套，只好接受事實，他說：「做父母點會唔擔心小朋友嘅婚姻，我都有搵過女婿傾過，提醒兩公婆要互相遷就，不過佢兩個相處後，喺性格、生活模式方面都唔夾，咁都冇辦法！
（大家各有各忙導致離婚？）女婿因為生意，長時間喺大陸，個女又忙自己工作囉！依家分居個女都有返嚟我哋屋企住，有時太夜怕嘈到我同老婆，佢都有另外租一個地方住。」
