Ana R.拖老公求神保sweet
今年是混血名模Ana R.與丈夫Brad婚後首個共度的農曆新年，兩人甜蜜慶祝之餘，還到了濟公廟拜神祈福。成為人妻的Ana坦言今年的新年願望是能與丈夫一直相愛，sweet到漏！
同在外國長大的Ana與丈夫Brad趁婚後首個農曆新年拍拖到濟公廟拜神祈福，入鄉隨俗。之前也拜過神的Ana對拜神習俗已有一定認識，但Brad卻有些不明白，Ana即為丈夫耐心講解，Brad亦細心地為Ana燃點香燭，兩人誠心合十許願。Ana說：「我相信神，無論係咩國度嘅神，我會對神表示感恩嘅心，亦祈求得到祝福。」
蒸蘿蔔糕應節
今年Ana與丈夫留港度歲，她說：「我好鍾意農曆新年，係全年最開心嘅節日，同家人朋友一齊慶祝，又有好多賀年美食，我都會蒸魚同蘿蔔糕嚟應節。（首次以太太身份過年有咩感覺？）好開心，好耐未試過咁開心，Brad真係對我好好！我哋都會依傳統習俗派利是，其實我結婚前都有派利是畀啲同事，不過啲人話結咗婚後就要派雙份。」
重視傳統的Ana還為自己及丈夫添置新紅色底褲，寓意新一年紅運當頭，催旺運程，Ana說：「Brad笑我要一齊着『紅底褲』，我覺得會帶嚟好運，一着無妨，而且對新婚嘅Couple嚟講，『紅底褲』可以好Sexy，好好玩！」提到新年願望？Ana說：「我希望同Brad可以一直好似依家咁相愛。」至於新一年的大計，她就想在香港置業當業主，她說：「依家努力睇緊樓，喺香港搵到心水物業唔容易，希望今年可以成事。」
文：名人組