馬德鐘小強精神轉型扮乸
藝人馬德鐘與太太張筱蘭原來有十年未試過農曆新年出埠旅行，今年難得放假，將一家三口往倫敦和巴黎旅行度歲。被太太指有「小強」般生命力的馬德鐘馬年計劃多多，新年願望竟然是想做一個乸型。
近年轉戰大陸的馬德鐘，過去十年來都忙於拍劇，從未放過新年假，今年趁農曆新年與太太及兒子旅行度歲，他說：「依家唔想工作量咁密，心態有少少唔同，想工作同屋企平衡啲，以前拍劇忙到無覺好瞓，好在仲捱得住。」身旁的馬太取笑老公是「小強」，意味生命頑強，不過馬德鐘表示喜歡拍劇不規律的生活，揚言若要他返朝九晚五定會感到更辛苦。馬德鐘回憶小時過年，三日不准洗頭，掃地要由門口掃入屋，問他現在會否不准兒子過年洗頭？他說：「自己都唔得啦！」馬太說兒子已15歲，有自己一套思想，考試已毋須父母協助溫書。
歎傳統意頭菜
馬德鐘在新年也愛吃傳統意頭菜式，早前便與太太吃了一頓賀年菜，當中有三文魚與鮑魚炮製成的「風生水起」和蠔豉入菜的「金盞鴻圖」等，甚好意頭。問到新年願望，馬德鐘說：「咁多年來，拍劇方面做過好多角色，想試吓做乸型；另外，今年好希望可以考個大偈船牌，第時可以駕船自由自在出海去潛水。同埋身體健康最重要啦！」至於馬太的新年願望，則是：「老公新年願望，就係我嘅新年願望，希望佢達到新年願望。」恩愛到爆。而馬德鐘更即席揮毫寫下「龍馬精神」及「馬到功成」送給讀者。
文：Tracy Leung
場地：王子飯店
服裝：中藝