黃芷晴為母祈福雞手鴨腳
黃芷晴日前相約另一藝人好友劉秉賓（Match）到廟宇拜神祈福兼求籤，拜神經驗甚少的她顯得雞手鴨腳，但為了替患上壞血病的媽媽祈福仍非常落力。芷晴期間更為來年運勢求籤解運，求得事業運上籤，籤文內容更暗示她今年將會閃婚生仔，芷晴笑言此是提醒她可以多接婚紗活動。解籤師傅建議她保持好奇心，她得知後表示：「作為新人會努力向前輩學習，希望喺影視界都可以有發展。（有無角色想試？）想試吓做女警！我性格係好tough嗰啲，同埋女警可以拎槍好型。」
望同發哥合作
問到想與哪位前輩合作？芷晴笑言：「希望同發哥（周潤發）合作，爹哋媽咪話佢好好人。」芷晴又指自己缺乏喜感，希望向吳君如學習演技，添加喜劇細胞。
黃芷晴更為家宅求得中籤，師傅指家庭運平安，但需要勞費心力，之後會凡事大吉。芷晴指與家庭近況相似，現在每天忙活動後，晚上便要照顧媽媽：「呢段真係最忙嘅時間，但都handle到。媽媽出院後情況好好，面色亦好咗，佢做咗咁多年無抖過，希望佢出院後可以好好休息吓。」
最好生龍鳳胎
而今年犯太歲的芷晴，得知感情易有變動，提到結婚，她笑言希望能夠自力更生儲錢再結婚：「之前有師傅批過我會喺29歲結婚，（怕唔怕30歲生太老？）我打算好似爹哋媽咪咁結婚一兩年後再生。（打算生幾個？）最好就龍鳳胎啦。」
文：影視組