苗僑偉拒選演協會長

苗僑偉（三哥）、江美儀及陳敏之日前於尖沙咀為無綫新劇《使徒行者》進行拍攝，三哥於休息期間大談老友黃日華老婆梁潔華的近況，他稱華嫂病情冇大礙：「華嫂就冇見過，但同華哥見面時知道佢老婆情況OK，個病唔係好難搞，控制到情況。」身為演協副會長的三哥大爆對黃秋生日前宣布棄選演協會長一事感可惜：「好可惜，佢（秋生）經驗咁豐富，就算唔選都應該入會，做會員甚至理事都好。（你會參選會長？）唔會喇，冇時間同唔知搵唔搵到幫手。」