蔣怡祝願囡囡醒叻乖

蔣怡去年與珠寶設計師翁狄森在非洲結婚，同年誕下囡囡翁容，現已六個月大，重十六磅肥嘟嘟，常常笑，非常可愛，CoCo指她是個又乖又易湊的開心BB，而且喜歡動物和大自然，與夫婦倆性情相近。

愛好大自然

CoCo說：「BB好鍾意戶外，瞓醒就要出去坐喺後花園，喺樹底晒太陽，望住樹和花就笑。有次帶佢去大埔一個大草地，第一次踏草地，佢笑得好誇張，玩幾個鐘都唔願走。」BB喜歡與家中五隻貓、兩隻狗玩，待翁容大一點，CoCo有意帶她去夫婦倆最喜歡的非洲。

蔣怡抱着笑口常開的B女翁容，大讚她是開心BB。

洋化的蔣怡寫新潮揮春，祝女兒「醒叻乖」！

農曆新年CoCo計劃與家人到泰國旅行，因BB還小不會同行。早前CoCo揮毫寫下祝福語句，祝女兒勁「乖」、勁「叻」和勁「醒」，何不寫勁「靚」贈予囡囡？CoCo半開玩笑說：「佢個樣似男仔，唔啱太女仔打扮，如果唔用髮夾，真係以為佢係男仔，佢冇可能靚得過我，唔使寫靚字畀佢！」

六位數利是

至今CoCo與翁狄森仍未習慣已為人父母，還笑言BB有如兩人的新玩具，話雖如此，母愛氾濫的CoCo每次跟BB傾偈，也會忍不住感動流淚：「今年我第一年派利是，個女都係第一年逗利是，但佢好厲害，出世到依家已逗得六位數利是錢，老公未雨綢繆，用利是錢作高風險投資，準備將來作教學基金用。」

攝影：秦健輝

髮型：ROY YAN @ CHIN.G

場地：都會海逸酒店

文：TRACY LEUNG