人妻阿滕派利是初三開齋
藝人薛家燕、湯盈盈、滕麗名（阿滕）、敖嘉年、麥長青等出席劇集《新抱喜相逢》花車巡遊活動，向市民派發清潔用品助大掃除。兩位人妻被問到新年會如何度過？首年派利是的阿滕謂過年將出埠，但否認是「避年」：「初三就返！你估初三唔使派（利是）咩。（大封啲？）都會，不過利是封就大啦。」
至於盈盈則謂會帶囡囡一同拜年，她說：「今朝喺屋企教佢『請請』，佢冇理我，淨係掛住睇電視。（係咪收利是收番夠本？）我派都有突啦。」
此外，盈盈自爆老公錢嘉樂捧她場睇《新》劇時卻看到嘉年吻她的一幕，竟表現得有少少嬲，還作狀打她手臂，盈盈甜笑謂：「估唔到佢都會呷醋。」
