阿嬌慶生洩蜜否認戀情
近月一直留在內地橫店拍劇的鍾欣潼（阿嬌），日前劇集終於殺青並已經回港的她，前晚獲好姊妹蔡卓妍和化妝師等一眾好友設宴補祝生日，並送上生日蛋糕和阿嬌的英文名字「GIL」氣球祝賀壽星女，眾人又拍照上載微博跟歌迷分享。
同學補祝生日
不過就有讀者爆料指在聚會的相片內，發現除了有阿嬌的氣球外，還有另一個寫上「MUR」的氣球和插上「LOVE」蠟燭的蛋糕，懷疑阿嬌有新戀情，而「MUR」就是她新男友的名字。對於拍拖傳聞阿嬌受訪時笑言：「MUR係我中學女同學Murphy簡寫，只係貪方便無整咁多個氣球出嚟。因為我太耐冇返香港，所以一班中學同學陪我補祝生日。」
阿嬌對於拍拖傳聞否認之餘亦不忘感謝歌迷的關心：「我對感情事隨緣，亦冇咩壓力，反而大家比我仲心急。」談到好姊妹容祖兒和蔡卓妍均有另一半，自己會否倍感寂寞？她說：「唔緊要，我識得照顧自己，經歷過咁困難日子都可以企番起身，我知道幸福離我唔遠。」
向老闆逗利是
趁在港時阿嬌昨日特地返回公司，向老闆楊受成拜早年逗利是，因為稍後她就和媽媽到溫哥華探望家人，兼替婆婆和鍾爸爸賀壽。會留在當地度歲的阿嬌稱，新一年希望工作順利，手頭上亦有多套電影即將開鏡。
文﹕音樂組