雨僑抵冷露腿告別夜蒲女

歌手雨僑前晚在中環碼頭影唱片封套，原定計劃在晚上11時開始，但雨僑卻姍姍來遲。入夜後的中環碼頭勁大風，工作人員又遲遲未set好個場，難為着住黃色熱褲的雨僑捱冷吹風，認真陰功！不過一埋位，雨僑亦相當專業大晒白滑長腿「Chok」甫士任影。

戶外取景

雖然今次影封套遇到不少阻滯，但雨僑都話「冇有怕」，她表示新碟會翻唱同夜蒲有關的歌曲，所以唱片封套都會以夜場做主題，提到她近年的工作都與夜蒲拉上關係，雨僑表示：「今次會將夜店入面嘅設備帶到戶外，又會吊起個Disco波波，做埋今次就會同『夜蒲』作結o架啦！」

過檔在即

雨僑又識做大讚公司製作認真，封套製作費擲過百萬：「我啲衫有成三十幾個組合，全部夾埋成百幾萬，至於啲鞋都成十萬，全部都係喺世界各地搵返嚟！」她又透露將簽約新唱片公司，但新東家誰屬就大賣關子。

文：音樂組