秋生棄選演協會長

黃秋生昨日正式宣布放棄競選演藝人協會（演協）會長，他表示：「好高興發生咗咁多誤會，令我發現我嘅無能，我係真心講，唔係發晦氣，因為我喺藝發局（藝術發展局）嗰邊真係好忙，如果我真係做埋（演協會長），我會分身不暇，不如留番啲時間嚟做有意義嘅事！（下月14日演協開會，你唔會去？）一切已經塵埃落定，成件事本來就唔關我事，依家只係變番唔再關我事！（但圈中好多人支持你做會長？）為業界盡力仲有好多方法，唔淨止演協一個途徑嘅！」