仙姐寶珠師徒謝幕約定轉場見

假文化中心大劇院舉行的《再世紅梅記》首11場前晚圓滿結束，粵劇名伶白雪仙（仙姐）壓軸登場，聯同徒弟陳寶珠、梅雪詩（阿嗲）兩度謝幕，現場觀眾即起立及揮動螢光棒，反應熱烈，《再》劇將在3月移師演藝學院演出。事後受訪時，仙姐仍難掩興奮心情說：「日日都好開心，多謝你哋，兩個月後見啦，不見不散！（滿唔滿意徒弟嘅表現？）永遠唔會滿意，滿意就停步，一定要前進！（畀幾多分？）我唔識畀分，要觀眾畀，60分啱啱合格啦，仲差少少。」
仙姐大讚徒兒陳寶珠（左）及梅雪詩又乖又聽話。
仙姐大讚徒兒陳寶珠（左）及梅雪詩又乖又聽話。

仙姐又大讚兩徒兒好乖、好聽話又勤力，擔任藝術監督的她又謂：「辛苦就唔覺，佢哋乖就值得。」騷後，寶珠姐獲兒子楊天經及新抱吻賀，她坦言演出壓力大，又自爆場場都驚到手凍，但壓力也變成推動力，她笑說：「好驚，但每次做完第五場就唔凍，因為啲重頭戲完晒。」

此外，仙姐被問到會否對另一徒兒龍劍笙未有返港演出而感遺憾？她笑言：「我唔知喎，要問佢先知。」

寶珠姐獲兒子楊天經及新抱吻賀。
  • 寶珠姐獲兒子楊天經及新抱吻賀。
仙姐（中）率台前幕後兩度謝幕，氣氛高漲。
  • 仙姐（中）率台前幕後兩度謝幕，氣氛高漲。