甄子丹遊園小學生猴擒集郵
「宇宙最強」甄子丹昨日現身主題公園，所到之處均引來男女老幼追星，受細路歡迎的子丹遇到一群為數逾二十人的小學生旅行團，這群小朋友甫見子丹即欣喜若狂，圍住子丹大叫：「宇宙最強呀！宇宙最強呀！」子丹亦盡展他親民作風說：「不如叔叔同你哋影張相！」這班小學生聞言即將手機、相機統統塞到帶團老師手上，自己則撲到子丹身邊霸位影相，子丹也被師生間打成一片的氣氛逗得大樂。
子丹滿意自己在新片《西遊記之大鬧天宮》中的美猴王形象，為他吸納大批小朋友fans，他說：「以前我嘅電影世界裏只得大人，因為你冇可能叫小朋友睇我打鬥戲，但拍《大鬧天宮》就令我戲路變得「闔府統請」，令我名正言順叫小朋友入場睇戲，可以話呢套係中國版嘅《功夫熊貓》，大家邊睇邊開心笑住過農曆新年，我個仔依家都成日要我講Monkey King（孫悟空）故事，我都會帶埋我啲仔女去睇首映。（首次咁做喎？）但唔係特登，適當場合做適當嘢。」
「金掃帚」調查被指不公
據悉，內地安排了400位影評人欣賞《大鬧天宮》，除對電影反應極佳外，更形容子丹可接六小齡童（內地著名演員，以擅演孫悟空見稱）班，子丹對此表示：「多謝大家支持，我拍之前都睇咗好多六小齡童嘅演出做參考。」
另悉，昨日內地有報道為子丹早前被選為「金掃帚最令人失望男演員」一事平反，指調查不公，而且最後結果要3月才公布。
文：影視組