鄧麗欣笠水拒絕發誓

藝人鄧麗欣（Stephy）早前被《好報》踢爆買下白色「波子」跑車賀新婚，更刻意掛上「SF」（Stephy Fong）車牌來宣示「方太」主權，日前Stephy出席電影煞科宴時，她即向《東網》ontv否認是方太。對於掛上「冠夫姓」車牌，她解釋純粹巧合，車牌是從運輸署抽籤所得：「估唔到大家聯想到咁，小方原本都有諗過投呢個車牌，因為係『Siu Fong』，真係咁啱，信我啦！」《東網》ontv要求Stephy發誓以證未婚時，她即「笠水」：「使乜發誓，如果我依家講到咁，到時畀你哋查到我真係結咗，咁仲解釋唔到。我唔夠膽講大話，同埋對我哋嚟講真係唔需要，依家都公開到咁。」