黃日華妻證患壞血病
黃日華太太梁潔華被指患了重病住院，有指前日已出院，昨日黃日華女兒黃芷晴之經理人承認梁潔華康復情況理想，確實已在前日下午出院，芷晴經理人還表示：「其實都住咗醫院一個月，得到醫生批准，返屋企始終舒服啲，呢個亦都係華嫂（梁潔華）嘅意思。（需不需要覆診？）久唔久都需要，check住個指數（需唔需要長期服藥？）呢個等醫生處理，會聽醫生指示！」
半年內康復
梁潔華病情一直未有公開，亦曾有傳是血癌，芷晴經理人則表示：「華嫂個病其實係壞血病，免疫力會比較差，之前唔想公布，係因為唔想太多朋友擔心去問。」
芷晴經理人直言因接受西醫治療，控制到病情，所以不會去試其他療法，而華嫂應可在半年內完全康復，至於華嫂現階段有甚麼需要注意？芷晴經理人表示：「醫生叫最緊要唔好發燒，但就唔需要戒口，注意身體，做好保暖同Keep住地方要乾淨。」
缺維他命C
對於患病成因，家庭醫生關嘉美表示壞血病由缺乏維他命C所引致，又說：「患者會出現皮膚、牙肉等出血，亦易感疲倦。嚴重者仲會傷口埋唔到口，甚至腸胃、泌尿系統出血。」而談到治療方法，關嘉美指患者只需吸取足夠維他命C便可：「佢哋可以飲維他命C補充劑，又或者食多啲新鮮蔬菜同生果，就會好快痊愈。」
文：影視組