陳凱琳零波經驗 安撫戰友
陳凱琳參選港姐時因身材平平而屢遭詬病，但最終大熱勝出，她以過來人身份開解「同病相憐」的吉隆坡佳麗F黃之豫，令對方自信不少；雖然今年「巨胸幫」佳麗眾多，但評判之一的李克勤笑稱見慣風浪，不會暈浪！
《2014國際中華小姐競選》的16位候選佳麗昨日到尖沙咀首度會晤大會評判包括王愛倫、李克勤和周汶錡。克勤透露這次會晤佳麗會佔佳麗總分數三成，除了加拿大佳麗保持一貫高質素，泰國代表(2)林佩敏及香港的(5)陳凱琳也十分突出，但他強調擔任評判當然持平。
談到陳凱琳身材較其他佳麗輸蝕，克勤謂：「佢選港姐已經畀人咁講，咪又攞冠軍！我畀分着重整體。」他還透露佳麗會以泳裝見評判，記者指今屆有多位「巨胸幫」佳麗，他笑說：「咁每年梗會有『大浪』、『細浪』，但係我做咗咁多年，有咩風浪未見過呀，我唔會暈浪嘅。」
梁淼低胸裝突圍
陳凱琳坦言見評判心情緊張，也為克勤讚她而感高興。講到今年候選佳麗十分「胸猛」，陳凱琳說：「同房佳麗（(6)黃之豫）都有擔心同一問題，我同佢講我選港姐時，媽咪同我講最緊要做好自己，唔好將焦點集中喺唔好嘅地方上，互相鼓勵。」黃之豫受訪時直認對出身感自卑，獲陳凱琳開解後已開心番。
以自選服裝亮相的佳麗們大部分以密實打扮示人，唯獨(15)梁淼以低胸裝搶分；「巨胸幫」之一的(3)區思敏被問到穿泳衣見評判是否分外有自信？她說：「唔會，我自己唔特別覺得係優勢。」
文：影視組