張智霖遭三女胸襲嗌辛苦
張智霖（Chilam）前晚出席活動時遭三位美女莊思敏、雨僑和傅嘉莉（Kelly）「胸襲」，Kelly更因所穿的長裙開衩位太高而走光收場。面對一眾「胸」徒，Chilam笑言全程擔天望地，自以為整親條頸：「好麻煩，唔敢望，好辛苦！」
「Cool魔」張智霖（Chilam）前晚聯同三位性感美女莊思敏、雨僑和Kelly出席全新瑪莎拉蒂Ghibli新車揭幕儀式及酒會，「性感大戰」隨即展開。原本莊思敏大騷「湯碗胸」以為贏硬，怎料棋差一着，Kelly所穿的長裙開衩位太高而不慎露底走光，立刻變成全場焦點，就連見慣大場面的Chilam也被眼前的波濤胸湧嚇窒，全程硬晒軚，在台上也不敢四圍望，Chilam笑言：「好麻煩，唔敢望，只敢望車，好辛苦，擔天望地，我都以為整親條頸。（要唔要同靚靚解畫？）我好規距，信得過。」
一直被人感覺是車迷的Chilam，表示沒儲車的習慣：「除咗跑車外，坐得人多都係考慮因素，因為已經成家立室。」提到農曆新年，他不慎自爆獲老闆請去馬爾代夫旅行，還稱屆時會與太太袁詠儀及囝囝魔童同行。提到好友郭富城將買第三隻馬，他直言：「都有我份，但未知抽唔抽中，未諗名。」
莊思敏否認鬥性感
莊思敏受訪時坦言怕走光：「件衫乜嘢打底都做唔到，所以索性唔大動作。」但她否認與另外兩女鬥性感。至於Kelly昨日透過電話回應走光一事：「一早知條裙好透，所以事前都已經做咗好多加工，黐膠紙等，以為萬無一失，點知都走光，有啲唔開心，之前都冇試過，好愕然，下次會小心啲。」事件發生後，Kelly昨日也有在網絡表示因為此事而不開心。
文：名人組