梁朝偉代老婆攞內衣

戴住口罩及cap帽的梁朝偉，低調行街。

演技出神入化的梁朝偉，多年來捧獎捧到手軟，銀幕上演出入木三分，但現實生活上卻比較內斂，經常喜歡獨來獨往，難怪偉仔和好動外向的太太劉嘉玲多年來亦甚有默契地保持各有各的空間。

掩面出巡收穫多

昨晚7時左右，梁朝偉戴上cap帽及口罩，幾乎將整塊面掩上，由戲院步出，睇完戲後若有所思地行去時裝店，逕直走入女裝部，雖然店內掛滿女性內衣褲，貴為影帝的梁朝偉未有異樣，只見他由羽絨外套的口袋內掏出一張紙，然後遞給售貨員，未幾已見職員拿出一袋包裝好的貨物給他，看來應該是幫嘉玲取內衣。

梁朝偉	梁朝偉到女裝部，似為嘉玲取內衣。	梁朝偉於羽絨專門店左揀右揀。

好老公梁朝偉幫嘉玲取完女裝，然後再悠然自得地於商場行逛，只見他不時好奇地望向名店櫥窗，未幾再行去羽絨專門店，梁朝偉入到店內細心地左揀右揀，再入試身室試一輪，未幾即挑到心頭好，埋單後拿着戰利品步出，及至碰見記者，梁朝偉略為愕一愕然，然後大方地揮手，眼見有記者在場，獨行興致被破壞，梁朝偉急急去乘電梯往停車場，隨即取車走人。

文：追蹤組