傅嘉莉遲到惹誤會
藝人傅嘉莉（Kelly）及李思捷前女友王宝宝（春卷）昨日出席商場活動，活動原定12時開始，春卷提早半小時到場，相反Kelly卻遲了20分鐘才現身。據知Kelly的酬勞是對方三倍。對於被指遲到，Kelly說：「我收到通告唔係12點，可能係小小誤會。（怕唔怕畀人話你紅咗扮大牌？）唔會，之前都係因為守時先有咁多工作。我下次會早啲，今次只係誤會。」
而早前生日的Kelly，透露生日在工作中度過，但亦自爆收到追求者所送的花，她說：「我知佢唔喺香港，但估唔到佢會越洋送花，好驚喜。」而同場的春卷被問到新年會否去思捷家拜年？她笑言：「係都同我屋企人拜年先。（有報道指萬綺雯姣溝李思捷？）一個好轉變，平時係寫佢溝人。」她表示自己亦不清楚對方有沒有新歡。