祖兒愛的宣言等生龍B

容祖兒一共15場「ageas富通保險1314容祖兒演唱會」前晚圓滿結束，圈中人傾巢而出捧場，包括楊受成夫婦、張敬軒、關智斌、周汶錡、周麗淇、謝安琪、陳偉霆、衛詩雅、林欣彤、鄭俊弘等。最後一晚祖兒狀態大勇，更encore至11時58分，並乘機澄清冇打開聲針。全晚數度感觸落淚的她感性表示：「我都幾期待有屬於自己ＢＢ一刻，想留一個好好血統延續落去，現今社會咁襟做嘅人唔係好多，生個出嚟為社會貢獻吓都好。」

Miffy公仔彈出

encore時，一隻巨型Miffy公仔突然升上台，在場觀眾隨即大叫公仔是師兄所扮，祖兒笑言：「等我睇吓邊個先！跳舞轉圈轉得咁勁，唔係你哋諗嗰個嚟o架！」隨即偷睇頭套內的人，之後笑言：「我唔識佢喎，阿強嚟o架！」雖然祖兒未有在台上公開多謝男友，但就將愛意化為行動，換上一套從未曝光的綠色長裙，向鍾情綠色的師兄隔空傳情。

劉浩龍	感性的祖兒前晚數度落淚。	encore時台上出現巨型Miffy公仔，祖兒偷睇話唔係師兄。

36歲前做媽媽

慶功宴上，祖兒坦言身體狀況欠佳，但未有想過取消場次：「唱得唔好最多有少少遺憾，但取消咗直情係失望。」她又指男友只有一晚沒捧場，並突然發表愛的宣言：「佢用咗最大力量支持我，對我好重要，畀咗好多正能量我，好似一個太陽喺隔籬咁，講好多鼓勵說話。（加晒分？）患難見真情，靠得住。」在台上坦言恨做媽媽的祖兒坦言未有計劃生ＢＢ：「不過我畀個限期自己係36歲前，等我調理吓身子先，慢慢嚟，唔好嚇親佢（經理人霍汶希）。」

師兄鍾情綠色，袓兒就穿上綠色裙子獻唱。	霍汶希（左起）、周麗淇與周汶錡一齊撐祖兒。	放大圖片

文：音樂組