蔡思貝着舊衫真「胸」晒料
應屆港姐亞軍蔡思貝昨晚以超低胸晚裝出席活動，大騷三吋事業線，撼贏同場的應屆港姐冠軍陳凱琳，蔡思貝揚言身材屬真材實料，雖然穿着了前港姐冠軍陳庭欣的舊衫，但就不介意大家將二人的身材作比較，信心十足。
由香港皮毛業協會舉辦的「2014年皮草設計比賽晚宴」昨晚假香港洲際酒店舉行，出席賓客眾多，包括應屆港姐冠軍陳凱琳、亞軍蔡思貝、陳靜、模特兒徐靖雯及鄧鉅明太太等，眾女均低胸上陣，當中以蔡思貝最性感，搶盡風頭。
身穿Deep V晚裝的蔡思貝谷胸大騷三吋事業線，對於被指打扮性感，她說：「選港姐都試過，無嘢敵得過泳裝。」問她有否加墊時，她反問：「吓？」再追問是否真材實料？她自信地說：「梗係。」並說：「其實性感唔係着衫，係內心出發。（唔介意再性感？）睇吓乜嘢場合。」
至於被搶風頭的陳凱琳大方稱讚蔡思貝穿得好看，又自爆二人皆是着舊衫，她說：「好開心無綫幫我哋揀呢兩件衫，件衫係重着，我嗰件係岑麗香選中華小姐時着，最後佢贏咗，希望可以帶畀我好運。」而蔡思貝身穿的晚裝則是前港冠軍陳庭欣曾穿着過，她指兩人小時候已認識：「細個一齊玩過，因為我哋爸爸都係做警察。」自信心爆棚的她自言不介意大家比較二人的身材。
陳靜珍惜機會
至於徐靖雯同樣低胸上陣，她直言：「件衫係大會安排，係真空上陣，我做足安全措施，唔怕走光。」她又指三月將約滿模特兒公司，希望有多元化發展。
另外，身穿連身裙及皮草的陳靜姍姍來遲，她透露正拍攝兩部電影，雖然辛苦但很開心：「有錢可以搵，依家唔會諗咁多，會珍惜每個機會。」她稱拍畢兩部戲後便會放假半個月。
文：名人組