郭羨妮為女鋪路
久休復出的郭羨妮已有一年沒有為無綫拍劇，昨日她與黎耀祥為新劇試造型，因劇中角色變化大，郭羨妮演完人妻演妓女，過足戲癮，而祥仔則只演窮書生，笑言相當舒服。
視帝黎耀祥、郭羨妮（Sonija）、黃宗澤（Bosco）、岑麗香和「視后」田蕊妮等昨在電視城為新劇《無雙譜》試造型。已為人妻的Sonija有女萬事足，今次接演無綫新劇主要原因是有更多時間留港，可以照顧已歲半的女兒：「囡囡好黐身，依家開始搵學校，名校當然係首選。」而她在劇中除了演人妻，還要演妓女，認真考演技！
祥仔自認悶蛋
劇中將與Sonija演夫妻的祥仔，他稱角色會逢場作戲，反映現實社會的婚姻，但現實中祥仔揚言絕無出軌經驗：「我好悶，唔返工就返屋企！（有冇女埋身？）冇呀，我形象公認又悶，又住家男，冇機會、冇場合、冇時間去培養霧水情緣啦！」祥仔坦言羨慕周潤發的生活模式：「作為國際巨星，都可以過平常人嘅生活，咁輕鬆做自己，我向呢個目標進發。」
Bosco嘆冇女溝
已屬單身的Bosco，今次與曾傳緋聞的岑麗香再度合作，他直言只當對方為小妹妹，還大呻自己「溝唔到女」：「依家我日日只對住啲生蠔。」記者笑言他可帶女仔食生蠔時，Bosco就語帶雙關的說：「齋食算啦！生蠔呀！」非常搞笑。
文：影視組